Majiko ya Camping

 Ni nyenzo kadhaa ambazo zimekuwa zikitumika kuanda misosi kwa wageni wanaofanya tented camping huko maporini. Picha hizi zilipigwa siku nyingi kidogo kipindi ambacho matumizi ya nishati ya gesi hayajashika kasi. Sasa hivi asilimia kubwa ya mapishi ya camping hutumia nishati ya gesi asilia inayobebwa kwenye mitungi.

 Unaweza ukawa unajiuliza ni kitu gani ambacho kimekalishwa kwenye moto/mafiga, Hilo ni moja ya yale masanduku ya bati ambayo kwa rafiki zangu mliosoma shule za boarding mtakuwa mnayafahamu fika. Kipindi hicho yalikuwa yakiitwa Mizinga, sijui kizazi cha sasa kimeyapa jina lipi. Huu mzinga una kazi nyingi ikiwemo kutumika kama oven ya kuokea mikate au kukamilisha mchakato wa kuivisha wali aka ubwabwa.

Mapishi yakiwa yanaendelea. mzinga unaweza kutumika kuokea mikate na hata cake ikibidi. Hali ambayo inamfanya mgeni asipate tofauti ktk maakuli yake na kumfanya asitambue kuwa amefanya tented camping safari. Ni ubunifu ambao unahakikisha mgeni anapata kile roho yake inapenda popote alipo na kwa kadri mazingira yanavyoruhusu

Picha zote zimepigwa ndani ya pori la akiba la Selous na Mdau Rajab wa Wildness Safaris Tanzania