Wednesday, September 17, 2014

Menu za Kihabeshi; Addis in Dar Restaurant

misele ya hapa na pale ndani ya Mtwara

 Tulipata wasaha wa kuzungushwa kidogo na wenyeji wetu ili tujionee maeneo kadhaa ya mji wa Mtwara na Viunga vyake. Picha hizi zina lengo la kukupa taswira ya hali ilivyo ki miundombinu. Hizi zimepigwa maeneo ya nje kidogo ya mji wa Mtwara.



Mnarani, Mtwara

 Ni moja ya maeneo maarufu katika mji wa Mtwara. Kwa anayeingia Mtwara kwa Gari ni dhahiri atapitia hapa. 

Tuesday, September 16, 2014

Mnazi Mmoja, Lindi

mnazi mmoja Lindi
Hapa ni Mnazi Mmoja, takriban kilomita 15 kutoka Lindi mjini ukiwa unaelekea Mtwara. Ni eneo ambapo kuna njia panda ya kuelekea Masasi kama ambavyo vibao vya TANROADS vinavyoelekeza.

Pwani ya Mikindani, Mtwara

Mikindani coast Mtwara
Mikindani ipo nje kidogo ya Mji wa Mtwara. Ni moja ya miji mikongwe na yenye umuhimu wa kihistoria kwa taifa letu. Ni mji ambao ulijengwa wafanyabiashara wa Kiarabu. Historia inaonyesha mji huu ulijengwa mnano karne ya Tisa. Wajerumani na Waingereza (Wakoloni) walipata kuutumia mji wa Mikindani kama moja ya vituo vyao vya utawala kwa ukanda wa Kusini. 

Monday, September 15, 2014

Pwani ya Lindi Mjini

Lindi Coast Tanzania
Ni Taswira zenye kuonyesha baadhi ya maeneo ya pwani ya Lindi yanavyoonekana pembezoni mwa barabara ya Dar-Lindi. Picha hizi ni maeneo kabla ya kufika Lindi mjini.

Wednesday, September 3, 2014

Picha zaidi za Ruaha NP

Ni muendelezo wa Taswira zinazoonyesha hali ilivyp huko kwenye hifadhi ya Taifa ya Ruaha mkoani Iringa. Ni picha ambazo zilitufikia mwishoni mwa wiki hii kupitia kwa Mdau Samson aliyekuwepo huko kikazi.

Tuesday, August 26, 2014

Leo hii Ruaha National park

Mdau Samson ambae yupo Ruaha NP amenitumia picha hii muda mfupi uliopita ikimuonyesha Chui aka Wa Juu akawa kwenye mizunguko yake ya asubuhi. Chui ni mmoja wa wanyama ambae ni nadra sana kuonekana na huwa anaonekana aidha asubuhi na mapema au jioni. Ni mnyama ambae hupenda kufanya mawindo na matembezi yake mida ya usiku. Hutumia muda wa mchana kupumzika na mara nyingi hupenda kupumzika juu ya miti. ndio maana wazee wa pori wakampa jina la "wa juu". kwa kukaa juu ya miti mikubwa huweza kukwepa usumbufu wa wanyama wengine kama fisi, simba na wengineo ambao wanaweza wakamshambulia akiwa usingizi/