Saturday, January 10, 2015

Diving, Nungwi - Zanzibar

Diving, Nungwi -Zanzibar
Nikijiandaa kabla ya kupiga mbizi (Diving) huko pande za Nungwi, Mwanzoni mwa mwezi Desemba mwaka Jana. Safari iliyoanzia kwenye Hoteli ya La Gemma Del Est pande za Nungwi, Unguja.

Jembe ni Jembe beach, Nyegezi Mwanza

jembe ni Jembe beach Mwanza
 ni Picha nilizozipiga mwishoni mwa mwezi Novemba mwaka jana kwenye kiota kinachokonga maraha katika jiji la Mwanza. Ni Jembe ni Jembe beach iliyopo maeneo ya Nyegezi, nje kidogo ya jiji la Mwanza. Kiota hiki cha maraha kipo karibu na Chuo cha Mtakatifu Augustine campus ya Nyegezi.

Sunday, January 4, 2015

Arusha National Park hii leo (4th Jan)

Ni picha zilizopigwa mchana wa Leo (4thJan 2015) ndani ya Arusha National park na kutumwa kwetu na Mdau Bonny wa Jimmex Cars Arusha. Ni za maeneo kadhaa ndani ya hifadhi ya Taifa ya Arusha nje kidogo ya jiji la Arusha. Picha juu imepigwa pembezoni ya Ziwa Momella Dogo

Friday, January 2, 2015

Mtanzania wa Kwanza kufika Uhuru peak kwa mwaka 2015

Ni Mdau Steve Wasira Jr. (Pichani) ambaye ameweka rekodi ya kuwa Mtanzania wa Kwanza kufika kwenye Kilele cha Uhuru kwa mwaka wa 2015. Alipanda mlima kwa kupitia njia ya Machame, safari iliyomchukua siku 6. Alifika kwenye Kilele cha Uhuru tarehe 1 Januari 2015 majira ya saa 0745 Asubuhi.

Thursday, January 1, 2015

Heri ya Mwaka mpya 2015

Napenda kuchukua fursa hii kwanza kabisa kwa Kumshukuru Mwenyezi Mungu kwa Neema na Rehema zake kutuwezesha kuufikia mwaka huu mpya wa 2015. Ni zawadi adhimu aliyotujaalia ili tuweze kumtumikia kwa namna mbalimbali. 
Blog yenu ya Tembea Tanzania inapenda kuchukua fursa hii kuwashukuru nyote mliokuwa nayo sambamba kwa mwaka 2014 ktk jitihada za kuhabarishana na kuhamasishana khs dhana ya Utalii kwa Watanzania almaarufu kama Utalii wa Ndani. Timu ya Tembea Tanzania inapata faraja kubwa kuona idadi ya Watanzania wanaoamua kwenda maeneo mbalimbali ya utalii kwa mapumziko kipindi hiki cha mwisho wa mwaka. ni Ishara ya kwamba dhana ya Utalii kwa Watanzania inaanza kupata msisimko na kushika kasi nzuri. Ni safari ndefu lakini kwa mwelekeo huu unaoendelea ni dalili kuwa tunaelekea vyema. Tunawapongeza wale wote walioenda hifadhi za taifa mbalimbali na maeneo mengine ya Utalii ndani ya Tanzania yetu.

Ni matumaini yetu kuwa mwaka 2015 utakuwa na ongezeko la idadi ya wazalendo wanaoelekea kwenye pwani, Mapori na Milima ya Tanzania kwa mapumziko yao. Kuijua Tanzania na maeneo yake ni hatua nzuri ya kujenga UZALENDO kwa taifa letu.

Heri ya Mwaka Mpya 2015.

KK for Teambea Tanzania Team.

Tuesday, December 9, 2014

Maandalizi ya Safari ya Diving - Nungwi, Zanzibar

Zanzibar Diving
Hivi karibuni nilipata fursa ya kujaribu kitu kipya nilipokuwa kisiwani Unguja kwa mapumziko mafupi ya mwisho wa wiki. Ni moja ya mambo yalikuwa kwenye list ya vitu vya kujaribu walau mara moja na kisha kuamua kuendelea nacho au kuachana nacho. Ilikuwa ni kufanya safari fupi ya Diving (kupiga mbizi) na nilipata fusra hii kwenye Hotel ya La Gemma Del Est huko Nungwi, Zanzibar (Unguja). Diving ni jambo la hatari na hivyo kabla ya safari lazima mgeni apewe elimu ya kutosha kuhusu mambo muhimu ya kufanya unapofanya diving. Maandalizi huanza kwa kuangalia Video yenye kuelezea mambo kadha wa kadha kuhusu diving ambayo huchukua takriban dakik 45. 

Monday, December 8, 2014

Simba Public Campsite, Ngorongoro Crater

Ni Picha zenye kuonyesha mandhari mwanana ya Campsite ijulikanayo kama Simba Campsite huko Ngorongoro crater. Campsite hii ipo nje ya crater, pembezoni ya barabara inayozunguka crater na ile inayoelekea Serengeti NP. Licha ya kuwa nje ya crater, campsite hii hupata kutembelewa na wenyeji (nikimaanisha wanyama pori) wa eneo hili kama inavyoonekana kwenye picha ya juu ambapo Pundamilia kadhaa wamesogea karibu na mahema ya wageni. Ngorongoro crater aka Shimoni ndio inayoonekana kwa nyuma kwenye picha ya juu.